close
呢個term係我入職既時候就已經聽幾次 一間中心同事既去流其實好平常,我唔習慣同人維繫太深的情誼,所以同事要走要來我都無特別感覺;近呢一兩年識到既同事慢慢可以變成朋友,甚至係好朋友。一齊癲一齊玩,工作既時候又可以一齊認真,要維繫呢一種關係的確唔容易,感激我遇到的一班好同事好朋友 今日係娟姐榮休的日子,星期六的中心通常都無咩人番,戰友們唔想娟姐一個人孤清清咁離開呢個工作左13年的地方,所以兩個星期前已經密謀今日突擊番中心去surprise呢位可愛的好幫手 尋晚番到屋企已經好夜,但真係好想整個散水餅比娟姐,所以都係開工整蛋糕;精神狀態唔好,真係唔好亂黎;前後整死左兩個蛋糕﹕朱古力mousse cake同天使蛋糕......最後? 我今朝晨早起身再整一次,結果係ok架﹗你地睇~ 我仲懶靚咁係d士多啤梨上面加左食用金萡 可惜...可惜最終都係出唔到門口(出左d小意外,只好留番自己食啦~) 切開試左一小件,加埋士多啤梨的酸甜,味道好配~ 散水又點可以無散水餅架呢?所以轉投美心系列,我都想食呢隻魔鬼好耐架喇~ 好味啊~唔漏既濃濃朱古力味,係creamy d,不過可以接受啊~ 希望娟姐轉戰湊孫事業都開開心心...... 更多更快更新的相片、部份文章,只會於
Facebook Fan Page --> yen home bakery
全站熱搜
留言列表