從前有一條村落,村落裡只係住左十幾戶農家
每日天未光,農民就會背著犁下田耕作;披星帶月、夜幕低垂才回家休息
其中一戶最窮困的農家,佢地耕既田係最瘦削的,種出黎既稻米產量好少
拎出市集賣既又賣唔到好價錢,留起既米碎亦唔夠填飽一家三口
但農家每日都係笑容滿面,其他農戶好奇地問到
「你食都食唔飽,做咩仲成日咁開心?」
農戶望一望呢位好奇的村民,就答
「人生中能認識那位肯陪我捱窮既妻子、一個懂事的女兒;仲點會唔開心...」
農戶日復日、年復年地耕作;小女兒已經長大成人,每日替父母將農作物搬出市集賣
有一日,一位年老的伯伯拎住一顆糖果來到小女孩的攤檔,希望可以換到米糧;其實一顆糖果又可以換到多少粒米呢;好心的小女孩仍然將一小袋的米交給老伯伯
老伯伯臨走的時候,對小女孩講﹕「呢一粒係神奇糖,佢會為你帶來幸福」
老伯伯講完就消失係人群之中,小女孩將事情講比父母知;父母都笑說老伯伯係為左多謝小女孩先會咁講,小女孩卻執著地相信,糖果真的有神奇的地方,所以一直將糖果收係床頭的小木枱上
過左大半年,村落鬧旱災,農作物失收;正當大家都擔心鬧飢荒時,小女孩懷中抱著一籮籮的糖果;原本放係木枱上的糖果,唔知由幾時開始竟然由一粒變成好多不同顏色的糖果;小女孩將糖果分比村民,大家將糖果變賣後換取飽肚的食物;小女孩的善心救回村民的生命,這事傳到皇宮裡,國皇召見小女孩並想犒賞佢......
小女孩笑著搖頭婉拒國皇的好意,表示想靠自己,令父母不再捱餓
國皇請御用餅師收小女孩為徒,讓她學得一技之長,糊口之餘也可改善父母生活
最後,小女孩將老伯伯賜贈的神奇糖果融入御廚教授的曲奇製法;結果大受民眾的歡迎,女孩憑著一顆單純的心、一雙靈巧的手,做出一塊又一塊感動味蕾的曲奇
yen也希望自己一雙有欠靈巧的手可以做出令味蕾感動的食物呢~
更多更快更新的相片、部份文章,只會於
facebook的fan page上載,大家還不來這裡?Facebook Fan Page --> yen home bakery
留言列表